Дунёнинг энг машҳур кибержиноятчиларидан бири вафот этди
Оммавий ахборот воситаларида уни биринчи рақамли хакер деб аташган.
Собиқ компьютер хавфсизлиги хакери Кевин Митник Лас-Вегасда 59 ёшида вафот этди, деб хабар беради The New York Times. Унинг ўлимини KnowBe4 ўқув компанияси, шунингдек, у асос солган компьютер хавфсизлиги компанияси вакили Кети Уоттман тасдиқлади. Митник ошқозон ости бези саратонидан келиб чиққан асоратлардан вафот этди.
Кевин Митник 1990 йилларнинг энг машҳур кибержиноятчиларидан бири бўлиб, у АҚШда компьютер маълумотлари ва банк карталари рақамларини ўғирлаганликда айбланиб, терговчилар уни дунёдаги энг кўп қидирилаётган хакер деб аташларига сабаб бўлган (оммавий ахборот воситаларида уни биринчи рақамли хакер деб аташган) .
Митник корпоратив компьютер тармоқларини бузиш учун деярли тўрт йил қамоқда ўтирган. У 2000 йилда озодликка чиқди ва хавфсизлик бўйича маслаҳатчи сифатида фаолият юритган, шунингдек, китоблар ёзиш ва маърузалар ўқишни бошлаган.
