“Paxtakor” futbol klubini endi portugaliyalik murabbiy boshqaradi. Bu haqida klubning keyingi rejalari yuzasidan o‘tkazilayotgan matbuot anjumanida xabar berildi.
Unga ko‘ra, endilikda “Paxtakor” klubini 1975 yilda tug‘ilgan portugaliyalik Pedro Moreyra boshqaradi. Ayni paytda murabbiy o‘z yuristlari bilan birga Toshkentda bo‘lib turibdi.
Maʼlumot uchun, Pedro Moreyra 2009-2012 yillarda “Sporting” yoshlar jamoasi bosh murabbiyi bo‘lgan. Keyinchalik “Pasush Ferreyra”, “Portu”, “Braga”, “Shaxtyor” (Ukraina), “Roma” (Italiya) kabi klublarda Paulo Fonsekaning shtabida yordamchi murabbiy bo‘lib faoliyat olib borgan. “Torrense” va “Kaza Piya” (ikkalasi Portugaliya) klublarida esa bosh murabbiy bo‘lib ishlagan.