Эрик тен Ҳаг манчестерликлар билан шартномасини узайтирди
У жамоада яна икки йил қолади.
“Манчестер Юнайтед” бош мураббийи Эрик тен Ҳаг клуб билан шартномасини 2026 йилгача узайтирди. Бу ҳақда жамоа матбуот хизмати хабар берди.
Аввалроқ “Манчестер Юнайтед“ Тен Ҳагни жамоа бош мураббийи сифатида қолдиришга қарор қилгани маълум бўлганди.
54 ёшли голландиялик мураббий 2022 йилдан буён жамоани бошқариб келмоқда. АПЛнинг сўнгги мавсуми якунига кўра, “Манчестер Юнайтед” 38 ўйинда 60 очко жамғариб, саккизинчи ўринни эгаллади. Шунингдек, Англия кубогини қўлга киритди. Бу клубга келаси мавсумда Европа лигасида иштирок этиш имконини беради.
Янги келишув 2026 йилнинг ёзига қадар амал қилади. Раҳбарият мавсум сўнгида Англия кубоги қўлга киритилганидан сўнг шундай қарорга келган.
