Marg‘ilon shahrida fuqaroga “auksion” savdosidan arzon yer maydoni olib berishini aytib, aldov yo‘li bilan 60 million so‘mni qo‘lga kiritgan shaxs ustidan jinoyat ishi qo‘zg‘atildi. Bu haqda Farg‘ona viloyati IIB axborot xizmati xabar berdi.
Maʼlum qilinishicha, Marg‘ilon shahrida 18-oktabr kuni fuqaro D.N. M.A.ni ishonchiga kirib, “auksion” savdosidan arzon yer maydoni olib berishini aytib, 60 million so‘m olib, bergan vaʼdasini bajarmasdan qo‘lga kiritgan pullarni o‘z ehtiyojiga sarflab yuborgan.
Mazkur holat yuzasidan Marg‘ilon shahar IIB huzuridagi tergov bo‘limi tomonidan Jinoyat kodeksining 168-moddasi 2-qismi “a” bandi (firibgarlik) bilan jinoyat ishi qo‘zg‘atilib, tergov harakatlari olib borilmoqda.
Maʼlumot uchun: ushbu jinoyatni sodir etgan shaxs besh yilgacha ozodlikdan mahrum qilish bilan jazolanishi mumkin.
Eslatib o‘tamiz, Bo‘stonliq tumanida 5 gektar yerni 150 ming AQSH dollarga olib berishni vaʼda qilgan shaxs ushlangandi.
Avvalroq Jarqo‘rg‘on tumanida zaxiradagi yerni sotmoqchi bo‘lgan firibgar ushlangani, 10 ming dollar evaziga uy-joy qurish uchun yer olib bermoqchi bo‘lgan shaxs ushlangani, Buxoroda hokimlik zaxirasidagi yerni 8 000 dollarga sotmoqchi bo‘lgan fuqaro qo‘lga olingani hamda DXX tomonidan noqonuniy yer sotish holatlarining oldi olingani haqida xabar berilgandi.