Жарқўрғон туманида захирадаги ерни сотмоқчи бўлган фирибгар ушланди

Бош прокуратура ҳузуридаги Департаментнинг Жарқўрғон туман бўлими томонидан ўтказилган тезкор тадбирда, фуқаро Н.М. ноқонуний даромад орттириш мақсадида аслида туман ҳокимлиги захирасида бўлган 0,25 гектар ерни фуқаро A.ga фирибгарлик йўли билан сотишни режалаштириб, туман кадастр ва давлат хизматлари марказида ишловчи танишлари орқали ҳужжатларни тайёрлаб бериш эвазига 70 млн сўмни олган вақтда ашёвий далиллар билан ушланган.