Фарруҳ Зокиров Озарбайжон халқ артисти бўлди
Бу бўйича Илҳом Алиевнинг фармони қабул қилинди.
Ўзбекистон халқ артисти Фарруҳ Зокировга Озарбайжон Республикаси Президенти Илҳом Алиевнинг фармони билан “Халқ артисти” фахрий унвони берилди. Бу ҳақида Маданият вазирлиги хабар бермоқда.
Қайд этилишича, Озарбайжон Республикаси билан Ўзбекистон Республикаси ўртасидаги маданий алоқаларни ривожлантиришдаги хизматлари учун Фарруҳ Зокировга “Халқ артисти” фахрий унвони берилган.
Маълумот учун, 78 ёшли Фарруҳ Зокиров бир вақтнинг ўзида 7 та – Ўзбекистон, Қорақалпоғистон, Қозоғистон, Қирғизистон, Тожикистон, Ингушетия, Татаристон ва Бошқирдистоннинг халқ артисти ҳисобланади.
