Франция чемпионатининг номи янги мавсумдан бошлаб ўзгаради
Бунга юлдузларнинг чемпионатни тарк этиши сабаб бўлмоқда.
Франция чемпионати келаси мавсумдан бошлаб расмий номини ўзгартиради. Мусобақа “Uber League 1” ўрнига “McDonalds League 1” деб номланади.
Манбага кўра, "McDonalds" Франция чемпионатига бу ҳуқуқ учун йилига 20 миллион евро тўлайди. Аввалги ҳамкор "Uber" йилига 15 миллион евро пул сарфлаган. Бироқ, Лионел Месси ва Неймар каби асосий юлдузлар Лига 1дан кетганидан кейин, шунингдек, Килиан Мбаппенинг трансфер эҳтимоли юқори бўлганидан сўнг, Убер янги мавсум учун таклифини қисқартирди. Шундан сўнг, Франция чемпионати янги ҳамкорлар излашни бошлади ва "McDonalds" йирик тез овқатланиш тармоғи билан келишувга эришди.
Қайд этилишича, келишув расман эълон қилинмаган, чунки томонлар ҳалигача барча ҳуқуқий масалаларни ҳал қилмаган.
