Ukrainaning birinchi xonimi Yelena Zelenskaya Fransiyaga tashrif buyurdi va u yerda prezident Emmanuel Makronning rafiqasi Brijit Makron bilan uchrashdi. Bu haqda davlat rahbarining rafiqasi Instagram’da ma’lum qildi.
"Fransiyaning birinchi xonimi Brijit Makron mening nafaqat hamkasbim, balki men va Ukrainaning do'sti ham. Fransiya Respublikasining birinchi xonimiga va butun mamlakatga bosqinchiga qarshi kurashimizda koʻrsatgan yordami uchun minnatdorchilik bildirdim", — dedi Zelenskaya.
Vladimir Zelenskiyning rafiqasi yaqin kunlardagi rejalar haqida ham gapirdi.
"Yaqin kunlarda bizni gavjum ish taqvimi kutmoqda. Dasturning bandlaridan biri vaqtinchalik muhojirlar oilalaridagi ukrainalik bolalar tahsil olayotgan Parij maktabiga birgalikda tashrif buyurishdir. Men Parij maktablarida ukrain tilini rasmiy o‘rganish boshlanganidan xursandman", - deydi birinchi xonim.
Fransiya hukumati hatto ukrain tilini o‘rgatish uchun virtual sinflar ham yaratgan.
Makron xonim ukrainalik ayollarning sabri, matonati va jasorati haqida gapirdi.