Гондурасда самолёт ҳалокатга учради
Фожиа оқибатида 12 киши ҳалок бўлган.
Гондурас ғарбидаги Роатан оролида Ланҳса Аирлинес авиакомпаниясига тегишли самолётнинг қулаши натижасида 12 киши ҳалок бўлди, 5 киши эса омон қолди. Бу ҳақда Гондурас миллий полицияси расмий хабар берди.
Ҳалокат Хуан Мануэл Галвез аэропортидан ҳавога кўтарилган самолётнинг учишидан кўп ўтмай денгизга қулаши натижасида юзага келган. Дастлабки маълумотларга кўра, бортда 15 нафар йўловчи ва экипаж аъзолари бўлган. Гувоҳларнинг сўзларига кўра, самолёт техник носозлик туфайли бошқарувни йўқотган ва учиш-қўниш йўлагидан тахминан бир километр узоқликда қулаган.
Қутқарув хизматлари зудлик билан воқеа жойига етиб бориб, 10 кишини сувдан чиқариб, уларга шошилинч тиббий ёрдам кўрсатди. Шунингдек, ҳалокат содир бўлган ҳудудда яна бир йўловчини излаш ишлари давом этмоқда.
Маҳаллий расмийлар фожианинг сабабларини аниқлаш мақсадида тергов бошланганини маълум қилди.
