Hindistonning Gujarat shtatidagi petarda zavodida yuz bergan yirik portlash oqibatida kamida 13 kishi halok bo‘ldi.
Mahalliy ma’muriyat vakili Mihir Patelning so‘zlariga ko‘ra, portlash ertalab soat 9:45 atrofida sodir bo‘lgan va uning natijasida zavod devorlaridan biri qulab tushgan. Qutqaruvchilar vayronalar ostidan 13 nafar halok bo‘lgan kishining jasadini topishgan. Shuningdek, to‘rt kishi jarohatlangan, ammo ularning ahvoli barqaror ekani aytilmoqda.
Dastlabki ma’lumotlarga ko‘ra, hodisa Banaskante sanoat hududida petarda ishlab chiqarish vaqtida yuz bergan. Portlash natijasida yong‘in yuzaga kelgan va zudlik bilan o‘chirilgan. Hozirda vayronalar ostida qolgan odamlarni qutqarish ishlari davom etmoqda.