Исроил Ғазода операцияни давом эттирмоқчи
“Ғазода гаровга олинганлар бор экан, биз курашни давом эттирамиз”, деган Нетаняху.
Бинямин Нетаняху кеча ҲАМАС ҳужумининг бир йиллиги муносабати билан сўзлаган нутқида Исроилнинг Ғазо секторидаги ҳарбий операцияни давом эттиришга тайёрлигини тасдиқлади.
Исроил бош вазири ушбу урушнинг мақсадларини санаб ўтди: ҲАМАС раҳбариятини ағдариш, барча гаровга олинганларни озод қилиш, келажакда Ғазодан Исроилга бўлиши мумкин бўлган таҳдиднинг олдини олиш ва мамлакат жануби ва шимолидаги аҳолини ўз уйларига қайтариш.
“Душман бизнинг мавжудлигимизга ва мамлакатимиз тинчлигига таҳдид солар экан, биз курашни давом эттирамиз. Ғазода гаровга олинганлар бор экан, кураш давом этади. Уларнинг ҳеч бирини ташлаб қўймаймиз”, деди Нетаняху.
