Binyamin Netanyaxu kecha HAMAS hujumining bir yilligi munosabati bilan so‘zlagan nutqida Isroilning G‘azo sektoridagi harbiy operatsiyani davom ettirishga tayyorligini tasdiqladi.
Isroil bosh vaziri ushbu urushning maqsadlarini sanab o‘tdi: HAMAS rahbariyatini ag‘darish, barcha garovga olinganlarni ozod qilish, kelajakda G‘azodan Isroilga bo‘lishi mumkin bo‘lgan tahdidning oldini olish va mamlakat janubi va shimolidagi aholini o‘z uylariga qaytarish.
“Dushman bizning mavjudligimizga va mamlakatimiz tinchligiga tahdid solar ekan, biz kurashni davom ettiramiz. G‘azoda garovga olinganlar bor ekan, kurash davom etadi. Ularning hech birini tashlab qo‘ymaymiz”, dedi Netanyaxu.