Dushanbaga o‘tar kechasi Isroil G‘azo sektorining janubidagi Rafah shahri va uning atrofidagi hududlariga zarbalar berdi. Buning oqibatida halok bo‘lganlar soni 100 ga yetgan bo‘lsa, 230 dan ortiq kishi jarohat olgan.
Mahalliy manbalar, Isroil armiyasi jangovar samolyotlar yordamida 40 ga yaqin havo hujumini uyushtirganini va jangovar kemalardan ko‘plab nishonlarni o‘qqa tutganini aytmoqda.
Isroil tomon esa o‘z bayonotida G‘azo janubida "terror nishonlariga bir qator zarbalar" yo‘llaganini aytdi, ammo qo‘shimcha maʼlumot bermadi.