Isroil bosh vaziri idorasining maʼlum qilishicha, o‘t ochishni to‘xtatish rejimi mahalliy vaqt bilan 11:15 dan (Toshkent vaqti bilan 14:15) kuchga kirdi.
HAMAS bugun ozod etilishi kutilayotgan uch nafar isroillik ayolning ismlarini maʼlum qilganidan so‘ng, Isroil bosh vaziri Binyamin Netanyahu SAXALga G‘azodagi harbiy harakatlarni to‘xtatishni buyurdi.
O‘t ochishni to‘xtatish bo‘yicha sulh rejimi boshlanganidan yarim soat o‘tib, G‘azo sektoriga Kerem-Shalom nazorat punkti orqali gumanitar yordam ortilgan yuk mashinalari kirib kelishni boshlaydi.