Истанбулдаги тураржойда йирик ёнғин юз берди
Оқибатда 20 дан ортиқ одам ҳалок бўлган.
Истанбулнинг Шишли туманидаги 16 қаватли бинонинг биринчи қаватида жойлашган тунги клубда ёнғин содир бўлди. Бу ҳақда Hürriyet газетаси хабар берди.
Қайд этилишича, клуб Рамазон ойи муносабати билан фаолият юритмаётган эди.
"Ёнғин сабаби номаълум, биринчи қаватда таъмирлаш ишлари олиб борилаётган эди, ҳалок бўлганларнинг барчаси тунги клубни таъмирлаётган ишчилар бўлган", — дея маълум қилди провинция губернатори Довут Гул матбуот баёнотида.
Бироқ расмийлар ёнғиндан олдин портлаш содир бўлгани ҳақидаги хабарларни тасдиқламади.
