Жанубий Корея мудофаа вазири истеъфога чиқди
У фуқаролардан узр сўраган.
Жанубий Корея мудофаа вазири Ким Ён Хён ҳарбий ҳолат жорий этилиши билан боғлиқ вазият учун жавобгарликни ўз зиммасига олган ва истеъфога чиқиши ҳақида баёнот берган.
“У президентга мамлакатда ҳарбий ҳолат эълон қилишни таклиф этган”, — дея хабар берди Yonhap ахборот агентлиги.
Ким Ён Хён мамлакатда “ҳарбий ҳолат жорий этилиши билан боғлиқ барча ҳодисалар учун тўлиқ масъулиятни” ўз зиммасига олган.
Мудофаа вазирлиги раҳбари 4 декабрь куни Жанубий Корея фуқароларидан узр сўраб, мамлакат президенти Юн Сок Ёлга истеъфога чиқиши ҳақида баёнот юборган.
