Janubiy Koreya Milliy razvedka boshqarmasi NATOning Tallindagi kibermarkaziga qo‘shildi. Bu haqda “Yonhap” axborot agentligi xabar berdi.
Ma’lumotlarga ko‘ra, razvedka agentligi markazning o‘quv va tadqiqot faoliyatida Seul nomidan ishtirok etadi.
“Biz markazdagi xodimlarimiz sonini ko‘paytirish va qo‘shma mashg‘ulotlar ko‘lamini kengaytirish orqali kiberjavob qobiliyatimizni jahon darajasiga ko‘tarishni rejalashtirmoqdamiz”, — deyiladi Janubiy Koreya razvedka agentligi bayonotida.
Shu tariqa Shimoliy Atlantika alyansining kibermarkazdagi ishtirokchilari soni 32 taga yetdi. Ulardan 27 nafar NATO ittifoqchisi hisoblanadi. Janubiy koreya ittifoqqa qo‘shilgan ilk Osiyo davlati bo‘ldi.