Janubiy Koreya tashqi ishlar vaziri Pak Jin Vladimir Putin va Kim Chen Inning yaqinda bo‘lib o‘tgan uchrashuvi fonida Seul Rossiyaga qarshi bir tomonlama sanksiyalar joriy qilishi mumkinligini aytdi. Taʼkidlanishicha, mazkur uchrashuv Rossiya Federatsiyasi va KXDR o‘rtasidagi harbiy hamkorlik borasida xavotir uyg‘otgan.
“Shimoliy Koreyaning Rossiya bilan qurol savdosiga oid har qanday kelishuvi Koreya yarimorolida xavfsizlik va tinchlikka jiddiy tahdid bo‘ladi”, dedi Pak Jin.
Shimoliy Koreya va Rossiyaga qarshi bir tomonlama sanksiyalarni qayta ko‘rib chiqishiga kelsak, Pak hukumat bu davlatlarga bosim o‘tkazish uchun barcha choralarni ishga solishini aytdi.
Pakning so‘zlariga ko‘ra, Shimoliy Koreya va Rossiya o‘rtasidagi harbiy hamkorlik, jumladan, qurol savdosi BMT Xavfsizlik kengashining KXDRga qarshi rezolyutsiyalarini buzish hisoblanadi.