Маънавият ва маърифат марказига нисбатан иш қўзғатилди
Маълум бўлишича, 1,4 млрд сўмлик танловлар бўйича танқидий фикрлар билдирилган.
Ижтимоий тармоқлар орқали Республика Маънавият ва маърифат маркази томонидан бошланғич қиймати 1,4 млрд сўмдан ортиқ бўлган qadriyatim.uz, tanlov.manaviyat.uz сайти ва мобил иловасини ҳамда марказнинг расмий веб-порталини яратиш хизмати бўйича танлов савдолари юзасидан танқидий мурожаатлар қолдирилган.
Ушбу ҳолатга тезкорлик билан аниқлик киритиш мақсадида Рақобатни ривожлантириш ва истеъмолчилар ҳуқуқларини ҳимоя қилиш қўмитаси томонидан танлов савдолари бўйича ўрганиш ишлари амалга оширилди.
Ўрганиш ишлари бўйича қўшимча ахборот тақдим этилиши айтилди.
