Мбаппе «Реал Мадрид» билан келишиб олган...ми?
Месси «ПСЖ» сафига қўшилганидан сўнг орадан кўп ўтмай клуб ҳужумчиси Килиан Мбаппе «Реал Мадрид»га ўтиши ҳақида хабар тарқалди. Бироқ «ПСЖ» ва «Реал» клублари бу борада ҳали келишувга эриша олмади.
«Реал» Мбаппе учун 170 миллион евро тўламоқчи экани маълум. Бироқ Париж клуби бу таклифга розилик бермаган. Шу боис «Реал Мадрид» Килиан Мбаппе учун «ПСЖ» клубига янги таклиф тайёрлаётгани айтилмоқда. Парижликлар «Реал»дан 215 миллион евро сўрамоқда. Бундан аввал улар футболчини 220 миллион еврога баҳолаётган эди. Шу тариқа икки клуб Мбаппе борасида ҳалигача келишувга эриша олгани йўқ.
Франциялик ҳужумчи жамоадан кетишни хоҳлаяётган бўлса-да, лекин клуб мадридликлар таклифига розилик бермаяпти. «Реал Мадрид» раҳбарияти эса футболчининг ўзи билан шартнома борасида келишувга эришган. Хабарларга кўра, «Реал Мадрид» Килиан билан 2027 йилга қадар шартнома тузишга келишган. Футболчи янги жамоа сафида 35 миллион евро маош олиши айтилмоқда. Ҳозирда «ПСЖ» футболчини 180 миллион евро эвазига қўйиб юбориши мумкинлиги ҳақида маълумот бор.
Эслатиб ўтамиз, 29 август куни Килиан Мбаппе Франция чемпионатининг 4 -туридан ўрин олган «Реймс»га қарши ўйинда рақиб дарвозасига иккита тўп киритишга муваффақ бўлди.
Аввалроқ Килиан Мбаппе ўзини юлдуз ҳисоблаши ҳақида хабар берган эдик.
Жамшид Амиров
