Мбаппе ва Беллингҳамдан зўри йўқ
Левандовски айни дамда дунёнинг энг яхши икки футболчисини айтди.
"Барселона"нинг полшалик ҳужумчиси Роберт Левандовски ҳозирда кимларни дунёнинг энг яхши футболчилари деб билишини маълум қилди.
"Буни айтиш қийин, чунки бизни ҳали Европа чемпионати ва Чемпионлар лигасининг сўнгги ҳал қилувчи ўйинлари кутиб турибди. Аммо ҳозирда Килиан Мбаппе ва Жуде Беллингем мен учун дунёнинг энг кўзга кўринган ўйинчиларидир", - деди Левандовски.
Левандовски "Барселона"да 2022 йилдан буён ўйнаб келмоқда. Ҳужумчининг клуб билан шартномаси 2026 йилгача мўлжалланган. Айни дамда футболчининг трансфер қиймати 15 миллион еврога баҳоланмоқда.
