Ijtimoiy tarmoqda Toshkentdagi mehmonxonalarning birida bir nechta fuqarolar o‘rtasida janjal sodir bo‘lgani aks etgan video tarqalgandi. Holat yuzasidan Toshkent shahar sudlari Matbuot xizmati maʼlumot berdi.
Aniqlanishicha, holat joriy yil 14-iyun kuni soat 05:30 atrofida Chilonzor tumanida joylashgan "ISTEM 5 STAR HOTEL" mehmonxonasi oldida yuz bergan.
3 nafar qiz jamiyatda o‘rnatilgan yurish-turish qoidalarini mensimasdan, ikki nafar shaxs bilan janjallashib, baqir-chaqir qilishgan va shu atrofda yashovchi aholining osoyishtaligini buzishgan.
IIB xodimlari tomonidan ushbu holatga oydinlik kiritish maqsadida 3 nafar huquqbuzar shu yilning 23 iyun kuni Chilonzor tumani IIO FMBga yetib kelishi to‘g‘risida chaqiruv xati berilgan bo‘lishiga qaramasdan kelishmasdan, IIO xodimlarining qonuniy talablarini bajarishmagan.
Sud hukmiga ko‘ra, N.Sh., Q.G‘., va B.N.lar MJtKning 183-moddasi va 194-moddasi 1-qismida nazarda tutilgan huquqbuzarliklarni sodir qilishgan deb topildi va ularga nisbatan 10 sutka maʼmuriy qamoq jazosi tayinlandi.