Газ нархи ошганига Рақобат қўмитаси изоҳ берди
Ҳозирда қўмита томонидан ўрганиш олиб борилмоқда.
Ижтимоий тармоқда “пропан” газ нархларининг кескин ошганлиги юзасидан эътирозлар тарқалиб, жамоатчилик томонидан муҳокамаларга сабаб бўлмоқда. Ҳолатга Рақобат қўмитаси муносабат билдирди.
Қайд этилишича, қўмита товар-хом ашё биржалари орқали реализация қилиниши белгиланган суюлтирилган газ маҳсулотининг қўйилиши ва сотилиши юзасидан тегишли ўрганишларни олиб бормоқда.
“Ўрганиш якунлари юзасидан қўшимча маълумот тақдим этилади”, дейилади расмий муносабатда.
Таъкидланишича, Рақобат қўмитаси ўз функцияларидан келиб чиққан ҳолда биржа савдоларида сотилаётган юқори ликвидли маҳсулотларнинг реализацияси ҳолатини доимий таҳлил қилиб келади, хусусан, суюлтирилган газнинг нархларини ошиши мумкинлигини олдиндан прогноз қилган ҳолда, унинг нархини барқарорлаштиришни таъминлаш мақсадида тегишли чоралар кўриш юзасидан масъул регуляторга хабар юборилган.
