Россия мигрантларга яна бир тақиқ қўймоқда
Муҳожирларга мактаб ва боғчалар яқинида яшаш тақиқланиши мумкин.
Россияда мигрантларни мактаб ва боғчалардан 200 метрдан кам масофада яшаши тақиқланиши мумкин. Давлат думасида тегишли қонун лойиҳаси ишлаб чиқилмоқда. Бу ҳақида Либерал демократик партияси раҳбари Леонид Слутский маълум қилган.
“Биз меҳнат мигрантларининг таълим муассасалари ҳудудидан 200 метрдан кам масофада яшашини тақиқловчи қонун лойиҳасини тайёрлаяпмиз. Шунингдек, мактаб, боғча ва болалар бўладиган бошқа муассасалар биноларида мигрантларни рўйхатдан ўтказишни тақиқлаш ниҳоятда муҳим, деб ҳисоблаймиз”, – дейди Слутский.
Ҳужжатда, шунингдек, меҳнат мигрантларининг бино ва хоналарни таъмирлаш ишлари доирасида бевосита таълим ташкилотлари ҳудудида яшаши ҳолатлари учраётгани айтилади.
