Bu haqda FVV xabar berdi.
Hodisa oqibatida ushbu manzil hududida joylashgan bir-biriga tutashgan uylar zarar ko‘rgan. Voqea joyiga shahar FVBning 6 ta yong‘in-qutqaruv ekipaji soat 07:16 da yetib borgan, yong‘in soat 07:21 da qurshab olinib, soat 07:58 da talofat to‘liq bartaraf etilgan. Yong‘indan 4 ta uyning taxminan 300 kv.m. maydonda tom, shift qismi va uy jihozlari yonib zararlangan. Hodisa oqibatida jabrlangan va halok bo‘lganlar yo‘q. Hozirda yong‘in sababi hamda keltirilgan moddiy zarar miqdori aniqlanmoqda.
"Yuqoridagi kabi ko‘ngilsiz vaziyatlarning oldini olish maqsadida, Favqulodda vaziyatlar vazirligi fuqarolardan yong‘in xavfsizligi qoidalariga rioya etishni so‘rab qolamiz", — deyiladi xabarda.
Avvalroq Namanganda xonadonlarning birida yong‘in chiqib, hujjatlar yonib ketgandi. Shuningdek, masjid qurilishi paytida qo‘shni uy darvozaxonasining tom qismi qulab tushgani, ikki uyning tomi yonib ketgani hamda NamDUga qarashli talabalar yotoqxonasida yong‘in chiqqani haqida xabar berilgandi.
Bahriniso Madumarova