Наманганда икки уйнинг томи ёниб кетди

 

Бугун тунги 02:33 ларда Наманган шаҳар Фавқулодда вазиятлар бўлимини 101 қисқа рақамига Наманган шаҳар “Нурафшон” маҳалла фуқаролар йиғини Сой кўчаси 60-уйда ёнғин содир бўлаётгани тўғрисида маълумот келиб тушди.

 

Зудлик билан воқеа жойига Наманган шаҳар Фавқулодда вазиятлар бўлими ёнғин-қутқарув қисми шахсий таркиби етиб борган.

 

Ёнғин натижасида яшаш уйини шифт ва том қисмидан 40 кв.метр жойи ҳамда қўшниси яшаш уйининг том қисмидан 20 кв.метр жойи ёниб, зарарланган.  Ёнғин соат 02-57да ўчирилди.

 

Тезкор ҳаракат натижасида Наманган шаҳар Фавқулодда вазиятлар бўлими ёнғин-қутқарувчилари томонидан 300 кв.метр жойи сақлаб қолинди.

 

Содир бўлган ёнғин оқибатида инсонларни куйиш тан жароҳати олиш ҳамда ҳалок бўлиш ҳолатларига йўл қўйилмаган.

 

 

Ҳозирда содир бўлган ёнғин юзасидан терговга қадар суриштирув ишлари олиб борилмоқда.

 

Аввалроқ Наманганда масжид қурилиши пайтида қўшни уй дарвозахонасининг том қисми қулаб тушгани ҳамда НамДУга қарашли талабалар ётоқхонасида ёнғин чиққани ҳақида хабар берилганди.  Шунингдек, Наманганда табиий офатлар бартараф этилганди.

 

Баҳринисо Мадумарова