Ijtimoiy tarmoqda Namangan viloyatida yuk mashinalari ishtirokida yo‘l-transport hodisasi sodir bo‘lgani haqidagi xabarlar tarqaldi. Holat yuzasidan viloyati YHXB maʼlumot berdi.
Holat bugun soat 15:00 larda 4R-112 “Farg‘ona halqa yo‘li” avtomobil yo‘lining 46-kilometrida yuz bergan. HOWO rusumli avtomashina Chust–Namangan yo‘nalishida harakatlanib, yo‘lning qarama-qarshi yo‘nalishiga o‘tib ketgan. Shundan so‘ng mazkur yo‘nalishida harakatlanayotgan ISUZU rusumli avtomashina bilan to‘qnashgan.
Hodisa oqibatida har ikki transport vositasi texnik shikastlangan. Tan jarohati olgan haydovchilarga birinchi yordam ko‘rsatilib, shifoxonaga yuborilgan.