Навоийдаги боғчада бола калтакланди
Ҳолат юзасидан расмийлар изоҳ берди.
Ижтимоий тармоқларда Навоий вилоятининг Кармана туманида боғча тарбиячиси тарбияланувчини калтаклагани ҳақида хабар тарқалди. Мактабгача таълим агентлиги мазкур хабар юзасидан муносабат билдирди.
Ҳолат Кармана тумани «Кумушкон» МФЙдаги давлат-хусусий шериклик асосидаги оилавий нодавлат мактабгача таълим ташкилотида содир этилган. Шу боғчанинг тарбиячи ёрдамчиси С.Ю. болага нисбатан қўпол хатти-ҳаракат қилган.
Ҳозирда туман ички ишлар идоралари томонидан суриштирув ишлари олиб борилмоқда.
“С.Ю.нинг хатти-ҳаракатларига ҳуқуқий баҳо берилиши ва айбдор деб топилган шахсларга тегишли чоралар кўрилишини маълум қиламиз”, — дейилади расмий хабарда.
