Нурсултон Рўзибоевнинг навбатдаги жанг санаси маълум бўлди
У россиялик спортчига қарши баҳс олиб боради.
Нурсултон Рўзибоев 26 октябрь куни Абу-Даби шаҳрида бўлиб ўтадиган UFС 308 турнирида россиялик Ринат Фахретдиновга (22-1-1) қарши жанг қилади.
Маълумот учун Рўзибоев UFС'да 3 та жанг ўтказиб, унинг 2 тасида муддатидан аввал рақибларини мағлубиятга учратган. Сўнгги жангда у 83,9 кгда октагонга кўтарилиб, Хоакин Баклига имкониятни бой берди.
Навбатдаги жанг ярим ўрта вазн (77,1 кг)да бўлиб ўтади. Фахретдинов UFСъда 5 та жанг ўтказган ва уларнинг 4 тасида ғалаба ва бир бор рақиби билан муроса йўлини танлаган.
Нурсултон 2023 йилнинг 2 июль куни UFС'даги дебютини ўтказганди. У бразилиялик енгилмас жангчи Бруно Феррейрани (10-1) биринчи раунддаёқ нокаут билан мағлуб этган.
