Kecha, 3 mart kuni yarim yengil vazn toifasidagi o‘zbekistonlik professional bokschi Otabek Xolmatov WBA kamari uchun ringga ko‘tarilgan edi.
Hamyurtimizga bu jangda amerikalik Raymond Ford raqiblik qildi. Afsuski, Otabek chempionlik jangining so‘nggi raundi yakunlanishiga yetti soniya qolgan bir paytda texnik nokaut sabab mag‘lubiyatga uchradi.
Xolmatov faoliyatidagi ilk mag‘lubiyatini quyidagicha izohladi:
"Assalomu alaykum, hurmatli yurtdoshlar. Meni qo‘llab-quvvatlagan insonlarga katta rahmat. InshaAlloh, hali hammasi oldinda. Qachondir, baribir yurtimizga kamarlarni olib boraman, InshaAlloh", — dedi bokschi.
