Unda aytilishicha, avtomobillar “ADM Jizzakh” avtomobil zavodida ishlab chiqarilmoqda.
SKD usulida ishlab chiqarilgan birinchi “LADA Vesta CW” va “LADA XRAY” modellari dilerlarga yuborish uchun taxt qilib qo‘yilgan. Yaqin kelajakda ular qatoriga “LADA Largus” ham qo‘shilishi rejalashtirilmoqda.
“O‘zbekiston “Avtovaz” uchun asosiy eksport bozorlaridan biri bo‘lib, “LADA” brendi respublikada yaxshi tanilgan. Bu esa “LADA”ning mamlakat bozorida o‘z o‘rniga ega bo‘lishiga imkon beradi” , — deydi kompaniya rasmiy vakili.
Maʼlumotlarga qaraganda, 2020-yil davomida O‘zbekistonda “Roodell” dilerlik tarmog‘i orqali 5 mingdan ortiq “LADA” avtomobillari sotilgan.
Uning endi mahalliy zavodlarda yig‘ilib, bozorga chiqarilishi boshqa turdagi avtomobillar bilan raqobatga kirishiga imkon yaratadi. Bu esa, birinchi navbatda, kredit dasturlari va “Trade-in” yordamida avtomobillar narxi yana-da arzonlashishiga sabab bo‘ladi. Shuningdek, “LADA” brendining O‘zbekiston avtomobil bozoridagi o‘rnini yana-da kengaytiradi, nufuzini oshiradi.
Eslatib o‘tamiz, O‘zbekistonda “Nexia-3” va “Spark” avtomobillarini ishlab chiqarish kamaygani hamda “Chevrolet Tracker”ning ilk partiyasi hali ishlab chiqarilmasdan sotib bo‘lingani xabar qilingandi.
Olamgir Abdiyev