“Қаерга кетяпмиз? Мен у ерга бормоқчи эдим”
Байден ўз боғида адашиб қолди.
АҚШ президенти Жо Байден Оқ уй ёнидаги майсазорга дарахт экиш маросимидан кейин йўлни топа олмай адашиб қолди.
Сиёсатчи боғнинг бир томонига юришни бошлаб, ҳаракатдан кескин тўхтаган ва атрофидаги қўриқчилардан Оқ уйга бориш учун боғнинг қайси томонига қараб юриш кераклигини сўраган.
Қўриқчилар давлат раҳбарига керакли йўналишни кўрсатганларидан сўнг президент ҳамроҳларига “бошқа йўлдан юрмоқчи бўлгани” ҳақида гапирган. Президентнинг атрофидаги одамлар эса унга ўзи истаган йўлдан юриши мумкинлигини айтишган.
Маълумот ўрнида, жорий йили 80 ёшни қарши олувчи Жо Байден Қўшма Штатлар тарихидаги энг кекса давлат раҳбари ҳисобланади.
