Қозоғистоннинг сохта паспортини ясатган хорижликлар ушланди
Алмати аэропортида қалбаки ҳужжатлар билан мамлакатга кирмоқчи бўлган хорижликлар қўлга олинди.
Миллий хавфсизлик қўмитаси чегара хизмати маълумотларига кўра, Алмати аэропортида паспорт назорати вақтида қалбаки ҳужжат кўрсатган Марказий Осиё давлатларининг 4 нафар фуқароси қўлга олинган.
Тинтув давомида уларнинг ўз паспортлари топилган.
Дастлабки маълумотларга кўра, улар Қозоғистон Республикаси орқали транзит ўтказиш учун қалбаки ҳужжатларни сотиб олган.
Улар битта сохта паспортнинг нархи 10 минг АҚШ долларини ташкил қилган. Сохта ҳужжатлар мусодара қилинди. Уларни депортация қилиш масаласи ҳал этилмоқда.
