Reuters: Байден Си Цзиньпинни диктатор деб атади
Аввалроқ Байден журналистларга Пекин шари қаерда ва унда нима борлигини билмаслигини айтганди.
Оқ уй раҳбари Жо Байден Хитой етакчиси Си Цзиньпинни диктатор деб атади, дея хабар бермоқда “ТАСС” Реутерс агентлигига таяниб.
Агентлик маълумотларига кўра, АҚШ президенти Калифорнияда ўз сайловолди кампанияси учун маблағ йиғиш жараёнида ҳам шундай баёнот берган. У, шунингдек, Хитой раҳбари 4 февраль куни АҚШ ҳаво ҳудудида уриб туширилган Хитой шари қаерда экани ва у аввалдан режалаштирилган йўналишдан четга чиққани ҳақида билмаган бўлиши мумкин, деди.
Аввалроқ Байден журналистларга Пекин шари қаерда ва унда нима борлигини билмаслигини айтганди. Ўшанда у тез орада Си Цзиньпин билан учрашишга умид билдирган.
АҚШ Давлат департаменти раҳбари Энтони Блинкеннинг Пекинга ташрифидан сўнг 19 июнь куни АҚШ президенти икки давлат ўртасидаги муносабатлар “тўғри йўлда” эканини айтди. У Хитойда давлат котибининг ишини “беқиёс” деб баҳолади. Блинкен Пекинга ташриф буюриб, мамлакат раҳбарияти вакиллари билан учрашди.
