Роман Абрамовичнинг “Бандит” лақабли самолёти сотилади
“Челси” клуби хўжайини Роман Абрамовичга тегишли Boeing 767-300ER самолёти сотувга қўйилди.
Хабарларга кўра, самолётнинг тахминий нархи 100 миллион долларни ташкил этади. Самолёт 2003 йилда ишлаб чиқарилган, 2007 йилда фойдаланишга топширилган.
Самолёт ўқув зали, меҳмонлар учун 3 кишилик ётоқхона, ошхона ва меҳмонхона билан жиҳозланган. Boeing 767-300ER нинг парвоз масофаси 11 300 километрни ташкил этади. Самолёт ёнидаги қора кўзойнакни эслатувчи қора чизиқ сабабли “Бандит” лақабини олган.
Маълумот ўрнида: самолёт 34 нафаргача йўловчини сиғдира олади.
Аввалроқ Абрамович Азарни Лондонга қайтармоқчилиги ҳақида хабар берилганди.
Жамшидбек Амиров
