Rossiyaning Ulyanovsk viloyatida bolalar bog‘chasiga qurollangan erkak bostirib kirib, o‘t ochgan. Oqibatda, ikki bola va tarbiyachi halok bo‘lgan.
«Bir kishi bolalar bog‘chasiga kirib, tarbiyachi va ikki bolani otib o‘ldirdi», — deyiladi xabarda.
Manbaga ko‘ra, otishmaga maishiy nizo sabab bo‘lishi mumkin. Otishma bolalar dam olayotgan vaqtda sodir bo‘lgan. Bundan tashqari bog‘chaning bir xodimi otib ketilgan. Viloyat Sog‘liqni saqlash vazirligi jabrlanuvchiga tibbiy yordam ko‘rsatilayotganini tasdiqladi.
«Dastlabki maʼlumotlarga ko‘ra, 2016 va 2017 yillarda tug‘ilgan ikki bola va bir tarbiyachi halok bo‘lgan», — deb yozdi ushbu hududdan saylangan Davlat dumasining deputati Sergey Morozov Telegram kanalida.