Россия Ўзбекистонга қанча газ етказиб бериши маълум бўлди
«Газпром»дан газ сотиб олиш Ўзбекистонга ўз эҳтиёжларини тўлиқ қондиришга ёрдам бериши мумкин.
Санкт-Петербург Халқаро иқтисодий форумида Россия газини Ўзбекистонга етказиб бериш бўйича шартнома ва республика газ узатиш тизимини Россия газини қабул қилишга тайёрлаш бўйича «Йўл харитаси» имзоланганди. Унга кўра, Россия газини Ўзбекистонга Қозоғистон ҳудуди орқали экспорт қилиш 2023 йилнинг тўртинчи чорагидан бошланиши режалаштирилмоқда.
«Коммерсанть»нинг ёзишича, «Газпром» «Марказий Осиё – Марказ» қувури орқали Ўзбекистонга йилига 6 миллиард куб метр ёки кунига тахминан 18 миллион кубометрга яқин газ етказиб бериши кутилмоқда. Қайд этилишича, газ етказиб бериш ҳажмлари ҳар йили янгиланади.
Таҳлилчиларнинг фикрича, «Газпром»дан 6 миллиард куб метр сотиб олиш Ўзбекистонга ўз эҳтиёжларини қондириш имконини беради, бироқ бу Хитойга газ экспорти бўйича шартномани тўлиқ бажариш учун етарли бўлмаслиги мумкин.
