Россия Украина билан музокараларга тайёр, аммо...
Сергей Вершинин Москва билан музокаралар бўйича қарор Киевда қабул қилинмаслигини таъкидлади.
Россия Украина билан музокараларга тайёр, лекин ҳеч қандай шартларсиз, мавжуд воқелик асосида. Бу ҳақда Россия Федерацияси ташқи ишлар вазири ўринбосари Сергей Вершинин айтиб ўтди.
"Ҳа, ҳар қандай жанжал музокаралар билан тугайди ва табиийки, биз бундай музокараларга тайёрмиз, деб айтган эдик. Лекин фақат олдиндан шартларсиз музокаралар учун, мавжуд воқеликка асосланган музокараларга", — деди у.
Шу билан бирга, Вершинин Москва билан музокаралар бўйича қарор Киевда эмас, Вашингтон ва Брюсселда қабул қилинишини таъкидлади.
"Биринчидан, музокаралар аллақачон ўтказилган. Минскни эсланг. Истанбулни эсланг ва уларни Украина томони тўхтатганини эсланг”, — дея қўшимча қилди у.
Дипломат, шунингдек, АҚШнинг амалдаги Президенти Жо Байден даврида бундай музокаралар ўтказиш имконияти ҳақида ҳам фикр билдирди.
"Бу бизга боғлиқ эмас, биз ўз позициямизни аниқ баён қилдик, агар жаноб Байден ақл-идрок, донолик кўрсатса, мен уни ва унинг атрофидагиларни назарда тутяпман", — деди Россия Федерацияси ташқи ишлар вазири ўринбосари.
