Россияда мигрантлар уй ижарага олиши қийинлашади
Бу ҳақида Давлат думасининг халқаро ишлар бўйича қўмитаси раҳбари маълум қилди.
Россияда мигрантларга уй-жой шартнома асосида ва максимал бир йилга бериш таклиф этилди. Тегишли қонун лойиҳаси Россия Либерал демократик партияси (ЛДПР) томонидан ҳукуматга юборилди.
Элементар қоидаларга риоя қилмайдиган хорижлик ижарачилар билан қўшничилик мамлакатимизнинг туб аҳолиси учун ҳақиқий муаммога айланди. Шовқин, чиқинди, муштлашувлар, оломон — реал вазият шундай кўринади.
Одамлар фарзандлари ва ўзлари учун хавотирга тушмоқда. Бундай хонадонларнинг эгаларини топиш ниҳоятда қийин, полицияни чақириш эса мигрантларнинг тажовузкорлигини янада кучайтиради. Қабулхонамизга шундай минглаб мурожаатлар келиб тушмоқда.
ЛДПР фракцияси номидан ҳукуматга мигрантларга уй-жой фақат шартнома асосида тақдим этишни мажбурий қиладиган ва ижара муддатини бир йил билан чеклайдиган қонун лойиҳалари пакети юборилди, деди Слуцкий.
Унинг таъкидлашича, Москвадаги арзон уй-жойларнинг 85 фоизида мигрантлар яшайди.
