Ma’lum qilinishicha, holat 10-noyabr kuni soat 4:00 larda Penza viloyatidagi M-5 federal trassaning 738-kilometrida sodir bo‘lgan. Buning oqibatida uch kishi voqea joyida halok bo‘lib, ikki kishi tibbiyot muassasasiga joylashtirilgan.
Halok bo‘lganlarning bir nafari O‘zbekiston fuqarosi, qolgan ikki nafar shaxsning O‘zbekiston fuqaroligiga mansubligi aniqlanmoqda.
Turli tan jarohatlari bilan shifoxonaga joylashtirilgan ikki kishi ham O‘zbekiston fuqarosi bo‘lib, ularga Penza viloyati Kuznetsk tumanlararo shifoxonasida yordam ko‘rsatilmoqda.