2022 yilning ikkinchi choragida Rossiyaga ishlash uchun eng ko‘p O‘zbekiston fuqarolari kelgan. Bu haqda FinExpertiza konsalting tarmog‘i maʼlumotlariga asoslanib “Kommersantʼ” xabar berdi.
Unga ko‘ra, o‘tgan uch oyda 1.5 milliondan ortiq o‘zbekistonlik Rossiyaga ishlash maqsadida kirib kelgan. Undan keyingi o‘rinlarda Tojikiston (953 ming), Armaniston (108.2 ming) va Ozarbayjon (79 ming) turibdi.
Migrantlar asosan Moskva va Moskva viloyati, bundan tashqari, Sankt-Peterburg va Leningrad viloyatida mehnat qiladi.
Avvalroq O‘zbekistondan Rossiya shaharlariga avtobus qatnovini tiklangani to‘g‘risida xabar berilgandi.