Саакашвили яна сиёсатга қайтишини маълум қилди
Унинг онаси эса ўғлининг бунга ҳозир кучи йўқлигини айтмоқда.
Михаил Саакашвили яна катта сиёсатга киришмоқда. Бу ҳақда унинг ўзи ижтимоий тармоқлардаги саҳифасида маълум қилди. Ҳукмрон “Грузия орзуси” партияси собиқ президент аввало жазони ўташи кераклигини эслатди.
Михаил Саакашвилининг онаси касал ўғлининг ҳозир ҳокимият учун курашишга иштиёқи борлигига ишонолмайди. Бир ярим йил давомида хорижлик шифокорлар унга турли ташхислар қўйишди.
Ҳукмрон “Грузия орзуси” коалициясининг фикрича, Мишико жазодан қочиш ва озодликка эришиш учун соғлиғига зарар етказиш мақсадида яхши овқатланишдан бош тортган. Ва бу йўлда мамлакатдаги сиёсий вазиятни кескинлаштирган. Шунинг учун Саакашвили ва унинг шериклари жамиятни чалғитаётгани учун узр сўраши керак.
