Самарқандда бир нечта олийгоҳ ва лицей талабаларига қисқа таътил берилади
"Марказий Осиё – Европа Иттифоқи" саммити сабабли Самарқандда айрим ОТМлар вақтинча ёпилади.
Самарқанд шаҳрида бўлиб ўтадиган “Марказий Осиё – Европа Иттифоқи” саммити муносабати билан 1-5 апрель кунлари айрим олий таълим муассасалари, техникум ва академик лицейлар ўқув жараёнини вақтинча тўхтатади. Ушбу таътил ёзги таътил ҳисобидан қисқа муддатли танаффус сифатида белгиланган.
Қисқа муддатли таътил қуйидаги таълим муассасаларига тааллуқли:
- Самарқанд давлат университети
- Самарқанд давлат чет тиллар институти
- Самарқанд иқтисодиёт ва сервис институти
- “Ипак йўли” туризм ва маданий мерос халқаро университети
- Тошкент ахборот технологиялари университетининг Самарқанд филиали
- Самарқанд давлат тиббиёт университети
- Ўзбекистон-Финландия педагогика институти
- Самарқанд давлат тиббиёт университети академик лицейи
- Самарқанд давлат университети академик лицейи
- Абу Али ибн Сино номидаги Сийўб жамоат саломатлиги техникуми
Ўқув машғулотлари 7 апрель, душанба куни қайта бошланади. Қолдирилган дарслар ёзги таътилнинг илк кунлари ҳисобидан тўлдирилади.
