Ijtimoiy tarmoqda Samarqand viloyatida voyaga yetmagan bola Damas avtomashinasida zanjirband qilinib, qiynoqqa solingani aytilgan video tarqalmoqda. Holat yuzasidan viloyat IIB matbuot kotibi rasmiy munosabat bildirdi.
Qayd etilishicha, 16 mart kuni Samarqand viloyat IIB “102” operatoriga Samarqand shahar Gagarin ko‘chasida bir bola Damas rusumli avtomashinada oyog‘i zanjir orqali kishanlanganligi to‘g‘risida xabar kelib tushgan.
Xabarga asosan, hududga IIB xodimlari borib, holatni rasmiylashtirishgan. Hozirda bolaga nisbatan ushbu harakatlarni sodir etgan shaxsga nisbatan tergovga qadar tekshiruv harakatlari olib borilmoqda.
Bolani “Voyaga yetmaganlarga ijtimoiy-huquqiy yordam ko‘rsatish markazi”ga joylashtirib, psixolog yordamida zaruriy ko‘maklar berish choralari ko‘rilmoqda.