Shimoliy Koreya Tashqi ishlar vazirligining yuqori martabali xodimi Janubiy Koreyaga qochib ketdi.
52 yoshli ri Il Gyu Shimoliy Koreyaning Kubadagi elchixonasida siyosiy maslahatchi lavozimida faoliyat yuritgan, 1999 yildan buyon KXDR Tashqi ishlar vazirligida ishlagan va xizmatlari uchun Kim Chen Inning faxriy unvoniga sazovor bo‘lgan.
"Har bir Shimoliy Koreya fuqarosi kamida bir marta Janubiy Koreyada yashash haqida o‘ylaydi. Rejim va qorong‘u kelajakdan umidsizlik meni qochish haqida o‘ylashga majbur qildi", — deya maʼlum qildi Il Gyu Janubiy Koreyaning Chosun Ilbo nashriga.