“Manchester Siti” bosh murabbiyi Xosep Gvardiola “River Pleyt”ning 22 yoshli hujumchisi Xulian Alvaresni o‘z jamoasiga qo‘shib olmoqchi emas edi. Ispaniyalik mutaxassis bu transferni faqat hujumchi Ferran Torres “Barselona”ga o‘tganidan keyingina maʼqullagani maʼlum bo‘ldi. Bu haqda “Sport.es” nashri xabar bermoqda.
Alvares 2022 yilning yanvarida klub bilan 21,4 million yevro evaziga shartnoma imzolagan. Torresning transferi “Barselona” uchun 55 mln yevroga tushgandi.
Maʼlumot uchun, Alvares joriy mavsum “Manchester Siti” safida 20 ta o‘yinda maydonga tushib, 7 ta gol urdi va 2 ta golli uzatmani amalga oshirdi. U Argentina terma jamoasi safida jahon chempionati doirasida oltita uchrashuvda to‘rtta gol urdi. Argentinaliklar JCH-2022 finaliga qadar yetib borishdi va u bosqichda Fransiya – Marokash juftligi g‘olibi bilan o‘ynaydi.