TikTok АҚШдаги фаолиятини тўхтатди
Илова App Store'дан ҳам ўчириб ташланган.
Хизмат Қўшма Штатларда платформага нисбатан федерал тақиқ кучга киришидан олдин ишлашдан тўхтади. Reuters маълумотига кўра, иловани очишга уриниш вақтида фойдаланувчилар TikTok'нинг мавжуд эмаслиги ҳақида хабар олишмоқда.
"АҚШда TikTok'ни тақиқловчи қонун қабул қилинди. Афсуски, бу сиз ҳозирча TikTok'дан фойдалана олмаслигингизни англатади. Бизнинг омадимиз шундаки, президент Трамп ўз вазифасига киришгач, TikTok'ни тиклаш бўйича ечим устида ишлашини аниқ билдирди. Илтимос, янгиликларни кузатиб боринг", дейилади иловадаги хабарда.
