“NATO bosh kotibi maʼlum bir vaqt og‘riq xis qilishi va mag‘lubiyat haqida gapirishi mumkin. Ammo alyans aʼzolari toliblarga qarshi hujum davri o‘tganini tushunishi kerak. O‘tgan 20 yil bu harakatlar samara bermasligini va diplomatik tamoyillarga amal qilish kerakligini ko‘rsatdi”, – degan Mujohid.
Uning qo‘shimcha qilishicha, hozirda har ikki tomon uchun ham terrorizmga qarshi kurash muhim masala. “Terrorizm tahdidiga qarshi yutuqlarni saqlab qolish muhim. Afg‘oniston hukumati ham, NATO ham mamlakatda xalqaro terrorchilik guruhlari qayta tuzilishini diqqat bilan kuzatadi”, – deb aytib o‘tgan “Tolibon” rasmiy vakili.
Maʼlumot o‘rnida: 15 avgust kuni “Tolibon” Kobul shahrini jangsiz egalladi. Shundan keyin Afg‘onistondagi markaziy hokimiyat harakat qo‘liga o‘tdi. Hozirda ularning hokimiyati hech qaysi davlat tomonidan tan olinmagan bo‘lsa-da, turli darajada muloqot yo‘lga qo‘yilgan.
Bundan avval Zabihullo Mujohid “Tolibon” daromadi haqida maʼlumot bergandi. Shuningdek, AQSH va toliblar muzokaralari haqida xabar berilgandi.
Jahongir Qo'ziyev