Shu bilan birga tana aʼzolarini kesib tashlash ham joriy etiladi. Mulla Turobiyning fikricha, bu jinoyatchilarni “tiyib turish”ga yordam beradi. “Qo‘llarni kesish xavfsizlik nuqtai nazaridan muhim”, — degan u. Shuningdek, hozircha hukumat o‘lim jazosini yakka tartibda yoki omma qarshisida amalga oshirishni hal qila olmagan. Mulla Turobiy toliblar Islom bo‘yicha ish ko‘rishini taʼkidlagan.
“Tolibon” 90 yillarda tana aʼzolarini kesib tashlashni keng qo‘llagan. Bu katta tanqidlarga sabab o‘lgan. Mulla Turobiy “Hamma bizni stadionlarda qatl qilishimizni tanqid qilgan. Lekin toliblar boshqalarning qonunlari va jazo turlarini muhokama qilmagan”, — deb qayd etdi.
Maʼlumot o‘rnida: 15 avgust kuni “Tolibon” harakati Kobulni egallagan. 31 avgustda AQSH Afg‘onistonni to‘liq tark etdi. Harakat tomonidan egallanmagan yagona viloyat Panjsher viloyati edi. Ammo 6 sentyabrda ushbu hudud ham “Tolibon” nazoratiga o‘tdi. Shundan keyin 7 sentyabr kuni mamlakatning yangi hukumati tuzilgani eʼlon qilindi.
Avvalroq “Tolibon” elchilar tayinlash masalasiga to‘xtalib o‘tgandi.
Jahongir Qo'ziyev