Bugun ijtimoiy tarmoqda Chilonzor tumani Chilonzor metro bekati yaqinida kalamushlarning yurgani aks etgan videoxabar tarqaldi. Holatga Sanepidqo‘mita Toshkent shahar boshqarmasi rasmiy munosabat bildirdi.
Maʼlum qilinishicha, videodagi holat bo‘yicha Chilonzor tuman bo‘limi mutaxassislari tomonidan o‘rganish ishlari amalga oshirilgan. Videodagi holatning kelib chiqishiga fuqarolar tomonidan chiqindilarning maxsus joylarga tashlamasligi sabab bo‘lgan.
Hozirda hududda dezinfektorlar tomonidan deratizatsiya hamda dezinseksiya ishlari amalga oshirilgan.