Ijtimoiy tarmoqlarda toshkentlik musiqa o‘qituvchisi o‘zining uyida mashg‘ulotlar paytida voyaga yetmagan shogird qizini zo‘rlamoqchi bo‘lgani xabar qilingandi.
Maʼlum qilinishicha, pensiyadagi musiqa o‘qituvchisi, 1957 yilda tug‘ilgan Sultanov Aleksandr 12 yoshli qizchaga dars berish asnosida ikki yil davomida tegajog‘lik qilib, nomusiga tegishiga sal qolgan. U oilaning to‘liq ishonchiga kirib, hatto ularning uyiga ham borib turardi.
Erkakka Jinoyat kodeksining 119-moddasi 4-qismi (14 yoshga yetmagan shaxs bilan jinsiy ehtiyojini g‘ayritabiiy usulda qondirish) bilan ish qo‘zg‘atilgan.
Toshkent shahar sudlari sud hukmi bilan ushbu shaxs Jinoyat kodeksining 119-moddasi 4-qismida nazarda tutilgan jinoyatni sodir etganlikda aybdor deb topilib, unga 8 yil qamoq jazosi tayinlangani haqida xabar berdi.
Tayinlangan jazoni umumiy tartibli koloniyada o‘tash belgilandi.